Mae maes cyfathrebu’n cyffwrdd craidd pob sefydliad, ac mae cryn le i aelodau weithio gyda’i gilydd a chydgrynhoi eu gofynion er mwyn lleihau gwariant a gwella effeithlonrwydd. Bydd yr heriau hyn yn gofyn hyblygrwydd, arloesi ac ymroddiad gan aelodau yn y blynyddoedd i ddod os ydym am sicrhau’r budd mwyaf.
Mae’r Grŵp Cyfathrebu wedi parhau i gefnogi gwaith y Grŵp Telathrebu Cenedlaethol (NTG), ac mae dau o gynrychiolwyr HEPCW’n cyflawni rolau blaenllaw yn y gwaith o fonitro cytundebau cyfredol a hwyluso datblygiad pellach.
Mae aelodau HEPCW’n parhau i gymryd rhan mewn un neu ragor o’r cytundebau canlynol:
- Prisiau Galwadau Ffôn
- Lleihau Costau Galwadau o Ffonau Sefydlog i Ffonau Symudol (Pyrth Cyfryngau)
- Ffonau Symudol
- Cynllun ‘Premier Value’ BT
- Gostyngiadau cytunedig ar renti llinellau Analog a Digidol BT
Mae mwy o wybodaeth i’w chael ar y dudalen Cytundebau.
Yn ychwanegol at hynny, mae cynrychiolwyr HEPCW’n cysylltu’n rheolaidd â chynrychiolwyr Gwerth Cymru er mwyn rhannu arfer da a gwybodaeth am y farchnad.